Agordojn

Vivejoj

Ankaŭ en la Nacia Parko Harz protektitaj vivejoj rajtas trovi kaj evoluigi sian propran naturan dinamikon.

Arbara Nacia Parko

La Nacia Parko Harz estas la plej granda arbara nacia parko en Germanio. Grandaj sovaĝaj bestoj, kiel ruĝa cervo, kapreolo kaj apro vivas en la arbaro. Oni povas trovi diversajn arbarstrukturojn: malsupre troviĝas ruĝfagaj arbaroj, pli alte miksitaj arbaroj kun fagoj kaj piceoj, kaj je la plej altaj altitudoj la unikaj montaraj piceaj arbaroj.

 

La supro de Brocken

Unike por germana mezmontaro, la vegetaĵaro sur la supro de Brocken estas nature senarbara. La ŝtormoj kiuj blovas super la altebenaĵo je 1100 m ne permesas al la arboj kreski. Sur la supro nanaj arbustoj supervivas en la seka herbejo.

 

La mirindaj marĉoj de Harz

La marĉoj de Harz restis netuŝitaj. Hodiaŭ ili havas signifon por tuta Eŭropo rilate naturprotektadon kaj sciencon. La marĉoj evoluis pro apartaj klimataj kondiĉoj: post la lasta glacia epoko, humida kaj malvarmeta klimato kaj ŝtona subgrundo kreis lokojn de alta akvo-saturiĝo, kie herboj povis putriĝi nur parte. La mortinta torfa musko laŭpaŝe transiris al torfejo kiel konata hodiaŭ; iuj marĉoj atingis profundon de pli ol 7 metroj.

 

Libere fluanta akvo

Klaraj montaraj rojoj troviĝas ĉie en la Nacia Parko Harz. La konstante kurantaj rojoj faladas malsupren - per praa potenco, precipe dum inundoj. La riveretoj montras diversajn strukturojn: apud la fonto, en la supraj lokoj troviĝas plejparte grandaj rokoj kaj ŝtonegoj. Tiuj supraj lokoj estas hejmo de tre specialaj insektolarvoj. Interesaj birdoj, kiel cinkledo kaj griza motacilo estas loĝantoj de tiu aparta biotopo.

 

Rokaĵoj

En multaj lokoj la arbara pejzaĝo estas interrompita de surprize formiĝintaj izolitaj rokaĵoj kaj klifoj, sovaĝaj kaj kvazaŭ malorde kunĵetitaj. Jen la sfero de raraj muskoj kaj likenoj, kio memorigas al la altaj Alpoj aŭ al la Arkto-regiono.


Y